Araw mo 'to - Inang Kalikasan

It's Earth Day today!!!

Happy B-Earth Day Mother Earth!!!

Araw ng ating Inang Kalikasan... 'Nay maraming salamat sa patuloy mong pagkupkop sa amin.

Salamat sa patuloy mong pag-unawa... sa aming tao, kahit sa halos lahat ng pagkakataon ay nagiging pasaway kami s'yo.

Na mga sarili lang namin ang aming iniisip. Basta mabuhay lang kami, nakakalimutan ka na namin. Ang aming ina na patuloy ang pag-aaruga at pagkupkop sa amin.

Inang patuloy na nagsisilbi at nagtataguyod sa kanyang mga anak...

'Nay, nakakahiya mang sabihin, eh patuloy namin kayong nalalapastangan... kasi nga ang nasa isip lang namin ay 'yong basta mabuhay lang kami.. hindi na namin iniisip ang iyong kapakanan...

Minsan nagagalit rin kayo... nagpaparamdam.... ibinabalik sa amin ang dulot ng aming pag-abuso at kapabayaan. Nakalulungkot isiping sa mga pagkakataong ito ay doon lamang namin nararamdaman na meron pala kaming Inang Kalikasan na sa amin ay kumukupkop at gumagabay...

Sana 'Nay, hindi pa huli ang lahat... bagaman, sandamukal na pahirap na ang aming ibinigay sa'yo, sana makabawi kami sa 'yo.

Sa aming INANG KALIKASAN.... MALIGAYANG ARAW..

AT MARAMING MARAMING MARAMING SALAMAT!!!