Friday 7 March 2008

Anak ng Prutas!!!

Thursday morning, nakatanggap ako ng presentation/email galing kay francis, tungkol sa mga prutas. ano nga bang meron sa mga prutas na 'to? at sino naman si francis? fruit vendor ba sya? he he he... hindi.. si francis ay isang inhenyero - QC, kasama ko sya dati sa steam power plant project namin. matapos nga ang aming project sa gilid ng red sea, nagkahiwa-hiwalay na kami, pero ok pa naman ang kuminikasyon. asa colon, panama sya ngayon, gaya ng natapos na project namin dito, power plant rin. so kilala mo na si francis?

e ano naman ang laman ng presentation nya? tungkol sya sa tamang pagkain ng prutas. meron ba noon? opo, ayon sa presentation nya, meron palang tamang pagkain ng prutas para lalo tayong makinabang sa kung ano mang bitamina at miniral ang dala nito sa ating katawan. mukhang ok naman, sinubukan ko. sakto naman noong thursday ang agahan ko ay isang basong katas ng dalandan, isang mansanas, at tatlong tabletas - food supplement.

sinimulan ko nga ang tinatawag doon sa presentation na "paglilinis ng prutas" o "fruit cleansing"... to detoxify daw ang ating katawan.

natural pagkatapos ng trabaho deretso na sa grocery para mamili ng prutas. iba't-ibang klase ng prutas. 'yong iba nga hindi ko alam kainin, dito ko nalang nakita sa saudi, sa totoo lang noong nasa mindoro pa ako, nakakatikim lang ata ako ng prutas tuwing pasko at bagong taon. o kaya naman ay kung may kamag-anak ako galing maynila na may daling isang supot na mansanas. kung puwede kong pag-abutin ng isang linggo 'yong mansanas ay gagawin ko. minsan nga itinatanim ko pa ang buto - para kung tumubo hindi ko na kailangang maghintay ng pasko o bagong taon. kaso naman, tinamaan talaga ng prutas o.. hindi talaga tumubo. kahit yong ubas hindi rin tumubo, mabuti pa yong kamatis o 'yong balatong eh, sibol agad.. nakarating na ako dito sa saudi 'yong mga binhing itinanim ko, ala pa ring sibol.

balik sa fruit cleansing.. pangalawang araw ko na 'to. sabi sa panuto, dapat tatlong araw ko raw na gawin ito. so far, surviving pa naman. mabubuhay pala ang tao na prutas lang ang kinakain, tubig at katas ng prutas ang iniinum.. medyo may kamahalan nga lang, pero kung para naman sa kalusugan, ok na rin.

napansin ko lang, hindi na ako sinisikmura kung kumakain ako ng prutas sa umaga... un bang pagkagising mo, kagat ka agad sa mansanas at lagok ng katas ng ubas o dalandan..

ok, naman.. hindi ko pa mairikomenda kung talaga bang ayos ito.. pero siguro sa pangalwang araw ko, mabuti naman... 'yon nga lang parang naglalaway ka pagnakakita ka ng kumakain ng hamburger o shawarma.

hhhaaayy... yan po ang buhay prutas.

No comments: