Timecard

Good morning. Maaga ako today... 18 after pa lang andito na ako sa office, so i still have good 12 minutes to blog... yon ang akala ko, kaso halos magkasunod lang kaming dumating ng boss ko, so bokya ang plano. Ganoonpaman, sabi nga kung talagang gusto may paraan, kung ayaw maraming dahilan... kaya eto back to work ako, but doing blog at the background - multi-tasking ga.

Napansin ko lang dito sa office, dito kasi kahit gaano ka pa kaaga or gaano ka pa ka-late magtrabaho, hindi ka babayaran ng over-time - so fix yon. Pero kahit ganoon pa man ang sitwasyon hindi ko lang alam kung bakit ba sa umaga ay paunahan lagi kaming mag-punch ng timecard namin. Para bang it feels good when you see that you're earlier than the actual time of work, kahit pa isang minuto - basta nauna ako sa timing, parang 50% complete na ang araw.

50%, kasi ang karugtong ay sa uwian naman.. Kung sa umaga unahan ang pag-punch ng timecard, sa hapon naman kung uuwi na... eh naghihintayan naman. Muli, andoon na naman 'yong feel-good thing, na ang sarap-sarap ng pakiramdam kung lumampas ka ng kahit isang minuto sa itinakdang oras ng trabaho. Andun 'yong magkakaroon ng konting kuwentuhan sa pila, kwentuhan na work related naman, kaso 'yong subject ay ilang beses na nilang napagkwentuhan sa buong maghapon. Syempre 'yong mga hindi naman nagmamadaling umuwi, join na rin sa kwentuhan, kaya magkakaroon ng ilang minutong traffic sa pila, natural konting delay rin sa pagpa-punch ng timecard... and take note, wala namang bayad 'yon... well, the only consideration i guess is that you're feeling good about it, right? At pagnai-punch na 'yong timecard.. kompleto na rin ang buong maghapon.. 100%. Nagtrabaho ka ng 8.5 hours sa buong mag-hapon, at may ibidensya ka - ang timecard mo, and yet ang bayad sa 'yo ay para lamang sa 8 hours na talagang takdang oras ng trabaho..

Ok na rin 'yon, kasi hindi naman lahat ng oras sa 8 hours na 'yon ay puro trabaho talaga... eto nga eh, nakakapag-blog pa. Kasama na sa 8 hours na 'yon ang kape, tsaa, at yong konting balitaan sa mga kabayan sa paligid, plus mga personal calls...

Trabaho muna ako... mamya nalang ulit..